៥ គន្លឹះសំខាន់ៗ ជួយជម្រុញភាពជាអ្នកដឹកនាំរបស់អ្នកបាន មិនខ្វល់ថា Style របស់អ្នកបែបណា

មនុស្សជាច្រើនតែងតែគិតថា ទេពកោសល្យពីកំណើត (អំណាចពីកំណើតនៅក្នុងការដឹកនាំ) របស់គេគឺ ជួយឲ្យពួកគេ អាចក្លាយជាអ្នកដឹកនាំមួយ ដែលមានឥទ្ធិពលនៅក្នុងការគ្រប់គ្រង ដូចជា ការប្រើប្រាស់ពាក្យ សម្តី កាយវិការ របៀបចាត់ចែងការងារ របៀបនៃការបង្កើត ឬពង្រឹងទំនាក់ទំនងជាដើម ដោយមិនចាំបាច់ឆ្ងងកាត់ការសិក្សានោះឡើយ។ ការយល់ឃើញបែបនេះហើយ ទើបធ្វើឲ្យអ្នក​ខ្លះ ខ្វះទំនុកចិត្តលើខ្លួនឯង ថាមិនអាចក្លាយជាអ្នកដឹកនាំដ៏មាន ឥទ្ធិពលម្នាក់ទេ ដោយហេតុថា របៀបរបប​នៅក្នុងការប្រើបា្រស់ពាក្យសម្តី រឺអត្តចរិកពីកំណើតរបស់ខ្លួន ហាក់ពិបាកនឹងអោយគេ ធ្វើតាមការដឹងនាំរបស់ខ្លួនណាស់។ តើវាពិតជាអញ្ចឹងមែន រឺ? តើមានវិធីសាស្ត្រ រឺគន្លឹះអ្វីពិសេសទេ ដើម្បីអាចជួយជម្រុសភាពជាអ្នកដឹកនាំ របស់អ្នកឲ្យបានប្រសើរឡើង?

 

 

យោងតាមការសិក្សាស្រាវជ្រាវមួយ បានកត់សំគាល់ឃើញថា អ្វីដែលជាបញ្ហា គឺថា អ្នកដឹកនាំអាចបង្កើតឲ្យមានបរិយាកាសមួយល្អ ដូចជា ការសរសើរ ការផ្តល់អំណាចឲ្យគេ បណ្តុះបណ្តាល បំពាក់បំប៉នទំនុកចិត្ដដល់គេ និង ជម្រុញលើកទឹកចិត្តដល់មនុស្សនៅក្បែអ្នក។ នេះបើតាមការលើកឡើង របស់លោក Peter Handal, ជានាយកប្រតិបត្តិ នៃក្រុមហ៊ុន New York City-based Dale Carnegie Training, a leadership-training company។ លោក Peter Handal ក៏បានចែករំលែក គន្លឹះសំខាន់ៗ ៥ ចំនុចសម្រាប់​ អ្នកដឹកនាំ​ដ៏មានប្រសិទ្ធភាព៖

 

១. ហ៊ានប្រឈមមុខនឹងការប្រគួតប្រជែង

អ្នកដឹកនាំល្អ គឺគេមានភាពក្លាហានគ្រប់គ្រាន់ក្នុងការប្រឈមុខទៅនឹងស្ថានភាពប្រគូតប្រជែង និង​រកដំណោះស្រាយមួយដោយភាពស្មោះត្រង់ មិនថាស្ថិតក្នុងការលៈទេសៈពិតបាកក្នុងការដោះស្រាយ​ណាមួយក៏ដោយ។ ការប្រស្រ័យទាក់ទងជាមួយបុគ្គលិក​របស់អ្នកជាប្រចាំ ប្រាប់អោយពួកគេ​ដឹង ទាំង​ដំណឹងល្អ និង អ្វីដែលក្រុមហ៊ុនរបស់អ្នកកំពុងប្រឈម ប្រាប់ពីយុទ្ធសាស្ត្រដែលក្រុមហ៊ុនដឹងឆ្លើយតប​ទៅនឹងការប្រឈមទាំងនោះ ធ្វើដូចនេះគឺ ដើម្បីឲ្យបុគ្គលិករបស់អ្នកមានអារម្មណ៍អ្នកជឿជាក់ដល់ពួកគេ ហើយនឹងជួយឲ្យគេគ្មានការភ្ញាក់ផ្អើលលើការសម្រេចចិត្តណាមួយរបស់អ្នក។

 

២. ឈ្នះបានមកពីការជឿជាក់

បុគ្គលិក កាន់តែមានភក្តីភាព និង ថាមភាព នៅពេល​គេធ្វើការក្នុងបរិយាកាសមួយដែលដឹកនាំដោយ​មនុស្សដែលគេទុកចិត្ត។ អ្នកអាចកសាងទំនុកចិត្តមួយជោគជ័យ តាមរយៈច្រើនបរបៀប។ ដូចជា ការបង្ហាញថា អ្នកខ្វាយខ្វល់ពីសុខទុក្ខរបស់ពួកគេ (show employees that you care about them) ទាំងក្នុង និងក្រៅ កន្លែងការងារ ដូចជា សួរនាំអំពី កូនៗរបស់គេ (ម៉ិចហើយកូន រៀនចប់នៅ? និង ផ្សេងៗ) ជាដើម។ ត្រូវព្យាយាមបង្ហាញអោយឃើញថាអ្នក ចាប់អារម្មណ៍ភាពជោគជ័យរបស់ពួកគេ និង ចូលរួមពិភាក្សាពី គោលដៅជីវិតរបស់គេ ជាប្រចាំជាដើម។

 

នៅពេលដែលគេបានធ្វើអ្វីមួយខុស កុំស្តីបន្ទោស រឺ កែតម្រូវគេដោយប្រើកំហឹង គឺត្រូវប្រើប្រាស់វិធីពន្យល់​បកស្រាយ​ពីស្ថានភាព និង ប្រាប់គេថាពីការប្រព្រឹត្ត(សកម្មភាព) របស់គេណា​មួយ ដែលមិនត្រឹមត្រូវ និងត្រូវប្រាប់គេ ថាតើអ្នកចង់ឃើញ រឺចង់បានអ្វី (រំពឹងទុកថាគេមិនធ្វើខុសដូចថ្ងៃនេះទៀតឡើយ) នាថ្ងៃខាងមុខ។

 

៣. បង្ហាញអ្វីដែលជាអ្នក

បើអ្នកគិតថាវាហាក់​មើលទៅមិនសាកសម កុំព្យាយាមធ្វើអ្វីដែលមិនមែនជាអ្នក ព្រោះថា​វាមើលទៅហាក់មិនជាល្អទេ នៅពេលដែលមនុស្សពីរនាក់ ឃើញអ្នកក្នុងរូបភាពហាក់​ដូចជា​មនុស្សពីរនាក់ផ្សេងគ្នា។ មួយវិញទៀត មិនថា​បុគ្គលិក​របស់​អ្នក និង អ្នកដ៏ទៃ​ទៀត ដែល​ជាដៃគូជាជីវកម្មរបស់អ្នកទេ ថ្ងៃណាមួយគេនឹងសួរ សំនួរថា «​តើថ្ងៃណាមួយ គេអាចក្លាយជាមនុស្សផ្សេងមួយទៀតទេ?» ចូលប្រើ ភាពខ្លាំង និង បុគ្គលិកលក្ខណៈរបស់អ្នក នៅក្នុងការអភិវឌ្ឍន៍របៀបនៃការដឹកនាំរបស់អ្នក។

 

៤. ព្យាយាមស្វែងរកការគោរព

នៅពេល​ដែល​អ្នក​ប្រព្រឹត្តខ្លួនក្នុងរបៀបមួយដែលបង្ហាញពី ក្រមសីលធម៌​របស់អ្នក និង ធ្វើខ្លួនជាគំរូមួយ​ដល់​អ្នកជុំវិញខ្លួន ដើម្បីឲ្យ​អ្នក​ផ្សេងឃើញថាអ្នកជាមនុស្សដែលមានក្រមសីលធម៌ នោះអ្នកនឹងទទួល​បានការគោរពពីមនុស្សនៅជុំវិញអ្នក។ អ្នកដឹកនាំដែល គួរចែករំលែងនូវការយល់ដឹងរបស់ខ្លួន។ ការរួម​ចំនែក ចែករំលែកចំណេះដឹង ដល់បុគ្គលិក និង អ្នកពាក់ព័ន្ធនេះ នឹងធ្វើឲ្យក្រុមហ៊ុនរបស់អ្នកកាន់​តែ​ប្រសើរឡើង។ គួរចាំថា សូម្បីតែ អតិថិជនរបស់អ្នក ក៏គេនឹងមិនចង់ធ្វើអាជីវកម្មរបស់អ្នកដូចគ្នាដែរ បើសិនអ្នកខ្វះតម្លៃ ឲ្យគេគោរព រឺ គេមើលឃើញពីភាពទុនខ្សោយនៃភាពជាអ្នកដឹកនាំរបស់អ្នក។

 

៥. ឲ្យតំលៃ រឺលើកទឹកចិត្តដល់ការបញ្ចេញគំនិតរបស់អ្នកក្រោមបង្គាប់

អ្នកដឹកនាំល្អ ពួកគេច្រើនតែចង់ឃើញ អ្នកក្រោមបង្គាប់របស់ខ្លួន ជាមនុស្សដែល ចង់ចេះ ចង់ដឹង និង ការប្តេជ្ញាចិត្តក្នុងការរៀនសូត្រ ដើម្បីអភិវឌ្ឍន៍ខ្លួនគេ។ ពួកគេ (អ្នកដឹកនាំល្អ) គឺចង់បានមនុស្សដែលចេះ​ឆ្ងល់ច្រើន ចង់ដឹង ចង់ឮ (ធ្វើការស្រាវជ្រាវ) ដើម្បីសម្លឹងរកមើលគំនិតថ្មី ការយល់ដឹងទូលំទូលាយ និង ព័ត៌មានដែលមានប្រយោជន៍ផ្សេងៗ។ លោក Handal បាននិយាយថា អ្នកដឹកនាំដែលប្រសើរបំផុត គឺជាមនុស្សដែល យល់ដឹងអំពីការបង្កើតថ្មី (Innovation) និង វិធីសាស្ត្រថ្មី ពីប្រពភជាច្រើនផ្សេងៗគ្នា។

 

ចុចអាន៖ ៧ គន្លឹះសំខាន់ៗ ដើម្បីកសាង Brand មួយឲ្យទទួលបានជោគជ័យ

 

 

អត្ថបទ៖ សហគ្រិនភាព